काठमाडौं, ७ भदौ । कोरोना संक्रमणबाट आज थप २४ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या १० हजार ५ सय ३३ पुगेको स्वास्थ्य मन्त्रालयले जनाएको छ ।
नेपालमा आज कोरोना भाइरसका १ हजार ८ सय १ जना संक्रमित थपिएका छन् । योसंगै कुल संक्रमितको संख्या ७ लाख ४८ हजार ९ सय ८१ पुगेको स्वास्थ्य तथा जनसंख्या मन्त्रालयले जनाएको छ । आज १ हजार ९ सय २४ जना संक्रमणमुक्त भएका छन् । हालसम्म ७ लाख ९७ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ११ हजार ३ सय २६ जनाको कोरोना परीक्षणमा उक्त संक्रमण पुष्टि भएको छ ।-File photo
