दाङ, मंसिर २७। दाङको तुलसीपुरबाट यात्रु लिएर सल्यानको सिमपानीका लागि छुटेको जिप तुलसीपुर उपमहानगरपालिका–३ सिरखोलामा पल्टिँदा तीन जनाको मृत्यु भएको छ ।
दुर्घटनामा १६ जना घाइते भएका छन् । दुर्घटनामा कपुरकोट गाउँपालिका–३ कपुरकोट बजारका ४८ वर्षीय प्रेमप्रकाश शर्मा, कपुरकोट गाउँपालिका–३ कटौंजेरीकी २५ वर्षीया लालमती खड्का र कपुरकोट गाउँपालिका–४ धनबाङकी ४६ वर्षीया सौनी घर्तीको मृत्यु भएको छ ।
२० यात्रु सवार रा१ज ४३८ नम्बरको जिप सडकदेखि करिब सय मिटर तल खेतमा खसेको हो । उकालोमा गेयर फालेर ब्याक हुँदा जिप दुर्घटना भएको जनाइएको छ ।
