काठमाडौं, १७ पुस । सहिद स्मारक ‘ए’ डिभिजन लिग फुटबलमा सातौं चरणका खेल अन्तर्गत आज (शनिबार) तीन खेलहरु हुँदैछन् ।
लिगको सातौं चरण अन्तर्गत आज तीन खेलहरु हुनेछन् । आज हुने दुई खेल दशरथ रंगशाला हुनेछन् भने एक खेल पोखरा रंगशालामा हुनेछ ।
त्रिपुरेश्वरस्थित दशरथ रंगशालामा हुने पहिलो खेलमा थ्री स्टार क्लब र जवालाखेल युथ क्लबबीच प्रतिस्पर्धा हुनेछ । खेल दिउँसो १ बजे सुरु हुनेछ ।
थ्री स्टार आठौं स्थानमा रहेको छ भने जावलाखेल नवौं स्थानमा छ ।
यस्तै पोखरा रंगशालामा मनाङ मर्स्याङ्दी क्लब र ब्रिगेड ब्वाइजबीच खेल हुनेछ । मनाङ र ब्रिगेडबीचको खेल दिउँसो २ बजे सुरु हुनेछ ।
मनाङ १३ अंकका साथ दोस्रो स्थानमा रहेको छ भने ब्रिगेड १२ औं स्थानमा रहेको छ ।
दशरथ रंगशालामा हुने दोस्रो खेलमा संकटा क्लब र च्यासल युथबीच प्रतिस्पर्धा हुनेछ । खेल ४ः४५ बजे सुरु हुनेछ ।
संकटा क्लब १२ अंकका साथ तेस्रो स्थानमा रहेको छ भने च्यासल १३औं स्थानमा रहेको छ ।
