काठमाडौं, १८ पौष । नेकपा माओवादी केन्द्रको पदाधिकारी सोमबार चयन हुने भएको छ । प्रवक्ता कृष्णबहादुर महराले पदाधिकारी चयनबारे जानकारी दिएका हुन् ।
माओवादीमा अध्यक्षसहित उपाध्यक्ष, महासचिव, उपमहासचिव र सचिवको व्यवस्था छ । जसमध्ये अध्यक्षमा प्रचण्डलाई कसैले चुनौती दिएका छैनन् ।
महासचिवमा प्रभावशाली नेताहरुको प्रतिष्पर्धा चलेको छ । जसमध्ये जर्नादन शर्मा, वर्षमान पुन र पम्फा भुसालको नाम अगाडि छ । तर, तीनैजनालाई उपाध्यक्ष बनाएर प्रचण्डले शक्ति बस्नेतलाई महासचिव बनाउने तयारी गरेको बुझिएको छ ।
उपाध्यक्षमा नारायणकाजी श्रेष्ठ, कृष्णबहादुर महरा, देव गुरुङ, मातृका यादवको पनि चर्चा छ । पदाधिकारीको दौडमा लिलामणि पोखरेल, देवेन्द्र पौडेल, हरिबोल गजुरेललगायतको चर्चा छ ।-Photo: Mukunda Kalikote
