काठमाडौं, २२ पुस । काराबाओ कप फुटबलमा चेल्सीले टोटेनहममाथि जित निकालेको छ ।
बुधबार राति भएको खेलमा चेल्सीले टोटेनहमलाई २–० गोल अन्तरले पराजित गरेको हो ।
चेल्सीको घरेलु मैदानमा भएको खेलमा पाँचौं मिनेटमा काइ हाभर्ट्जले गोल गर्दै टोलीलाई सुरुवाति अग्रता दिलाएका थिए ।
यस्तै, खेलको ३४औं मिनेटमा टोटेनहमका बेन डेभिसले आत्मघाती गोल गरेपछि चेल्सी २–० ले विजयी भयो ।
यस जितसँगै चेल्सीले फाइनल पुग्ने सम्भावना बलियो बनाएको छ ।
