एजेन्सी, ११ माघ । कतारमा हुने विश्वकप फुटबलमा टिकटको लागि आवेदन अत्याधिक देखिएको छ । टिकटको मागका लागि आवेदन खोलिएको २४ घन्टाभित्र १२ लाखले आवेदन दिएका छन् ।
फिफाका अनुसार सबैभन्दा बढी कतारमा टिकटको आवेदन देखिएको छ । त्यसपछि अर्जेन्टिना, मेक्सिको, अमेरिका, युएइ, बेलायत, भारत, साउदी अरेयिबा, ब्राजिल र फ्रान्सका दर्शकले आवेदन दिएका छन् ।
फाइनलका लागि मात्र १ लाख ४० हजार भन्दा बढी टिकटको आवेदन परेको छ । १८ डिसेम्बर २०२२ मा लुसेर स्टेडियममा फाइनल हुनेछ । उदघाटन म्याचका लागि ८० हजार टिकटको आवेदन परिसकेको छ ।
स्टेडियमको क्षमता भन्दा निकै बढी टिकटको आवेदन परेपछि छनोटको फरक शैली अपनाइनेछ । त्यसका आधारमा पैसा तिरेर टिकट पाउन पनि भाग्यको भर पर्ने भएको छ ।
