एजेन्सी, ११ फागुन । बलिउड अभिनेता शाहरुख खानले हालै सामाजिक सञ्जालमा एउटा भिडियो शेयर गरेका छन्, जसमा उनी एक्सन अवतारमा देखिएका छन् । वास्तवमा उनको यो भिडियो कोल्ड ड्रिंकको विज्ञापनको हो, जसलाई शाहरुखले शेयर गरेका छन् । यो भिडियोमा लामो कपालमा उनको लुक्स एकदमै फरक देखिन्छ । भिडियो हेरेर शाहरुखका फ्यानहरुले उनी फिल्म ‘पठान’ मा पनि उस्तै लुकमा रहेको महसुस गरेका छन् ।
भिडियो शेयर गर्दै शाहरुखले एउटा रमाइलो क्याप्सन लेखेका छन् । भिडियोको सुरुमा शाहरुखले सिनेमा हलमा आफ्नो फिल्म हेरिरहेका छन् । फिल्ममा उनी ट्रेनको माथि र त्यसपछि ट्रेनभित्र भिलेनसँग लडिरहेको देखाइएको छ । यस भिडियोमा शाहरुख कालो सूटमा देखिएका छन् । साथै, यस क्लिपमा शाहरुख लामो कपाल र दाह्रीमा देखिएका छन्। भिडियो सेयर गर्दै शाहरुखले क्याप्शनमा लेखेका छन्, “नाम तो सुना होगा मेरी जान? यसलाई नरम भनिन्छ, तुफान भनिन्छ।“
