काठमाडौं, १३ फागुन । काठमाण्डौको चन्द्रागिरीमा माइक्रो बसमा बिहीबार राति मोटरसाइकल ठोक्किदा एक जनाको मृत्यु भएको छ । सडक छेउमा रोकी राखेको बसमा मोटरसाइकल ठोक्किएर चालक २६ बर्षीय आकाश रानाभाटको मृत्यु भएको प्रहरीले जनाएको छ ।
गम्भीर घाइते भएका उनको उपचारको क्रममा कलंकी स्थित शहीद मेमोरियल अस्पतालमा राती साढे ११ बजे मृत्यु भएको हो । प्रहरीको अनुसार चेकपोष्टबाट चन्द्रागिरी जाँदै गरेको प्रदेश ३, ०२, ०११ प २९१९ नम्बरको मोटरसाइकल अनियन्त्रित भई सडक छेउमा रोकी राखेको बा २ ख ७०४९ नम्बरको माइक्रो बसमा ठोकिएको हो ।
दुर्घटनामा संलग्न मोटरसाइकल र माइक्रो बसका चालक थानकोट प्रहरीको नियन्त्रणमा रहेका छन् ।
