एजेन्सी, २५ फागुन । यूपी चुनावको नतिजा अब केही घण्टामा आउन लागेको छ। यूपीका केही यस्ता कलाकारहरूको बारेमा जानौं जसले बलिउड उद्योगमा मात्रै स्थान बनाएका छैनन्, ठूलो स्थान पनि हासिल गरेका छन् ।
अमिताभ बच्चन – प्रयागराज
बलिउड मेगास्टार अमिताभ बच्चनको जन्म ११ अक्टोबर १९४२ मा इलाहाबाद (प्रयागराज) मा हरिवंश राई बच्चन र तेजी बच्चनको घरमा भएको थियो। बिग बीको परिवार प्रतापगढको हो । प्रयागराजबाट स्कुल पढेपछि बिग बीले नैनीताल र दिल्लीमा बसेर आफ्नो थप पढाइ पूरा गरे। त्यसपछि उनले कलकत्ताको एउटा सिपिङ कम्पनीमा केही महिना काम गरे । अमिताभले सन् १९६९ मा आएको फिल्म सात हिन्दुस्तानीबाट बलिउडमा डेब्यू गरेका थिए ।
अनुष्का शर्मा – अयोध्या
अनुष्काको जन्म १ मे १९८८ मा उत्तर प्रदेशको अयोध्यामा भएको थियो, यद्यपि उनको पालनपोषण बैंगलोरमा भएको थियो । बैंगलोरमा स्नातक पूरा गरेपछि अनुष्का मोडलिङ करियर बनाउन मुम्बई गइन् । धेरै वर्ष मोडलिङमा सफलता हासिल गरिसकेपछि अनुष्काले शाहरुख खानको अपोजिट फिल्म रब ने बना दी जोडीबाट अभिनयमा डेब्यु गरिन्।
प्रियंका चोपडा – बरेली
अन्तर्राष्ट्रिय स्टार बनेकी प्रियंका चोपडाको जन्म झारखण्डमा भएको थियो, यद्यपि उनले आफ्नो पढाइ उत्तर प्रदेशको लखनऊ र बरेलीमा गरेकी थिइन्। १३ वर्षको उमेरमा प्रियंका अध्ययनका लागि अमेरिका गइन् । यहाँ रहँदा प्रियंकाले मोडलिङ गरिन् र धेरै सौन्दर्य प्रतियोगिता जितिन् । सन् २००० मा प्रियंकाले मिस इन्डिया र मिस वर्ल्डको उपाधि जितेकी थिइन् । मिस इन्डिया बनेपछि प्रियंकालाई धेरै बलिउड फिल्मको अफर आएको थियो । हमराज जस्ता कैयौं फिल्महरू अस्वीकार गरेपछि अभिनेत्रीले द्दण्ण्घ मा द हिरोबाट बलिउडमा डेब्यू गरेकी थिइन्।
दिशा पटनी– बरेली
राधे फिल्म स्टार दिशा पटानीको जन्म बरेलीमा भएको थियो । अभिनेत्रीले लखनउबाट स्नातक पूरा गरेकी हुन् । दिशाले सन् २०१३ मा फेमिना मिस इन्डिया राज्यस्तरीय प्रतियोगितामा दोस्रो स्थान हासिल गरेपछि मोडलिङ करियर सुरु गरेकी थिइन् । तेलुगु फिल्म लोफरबाट आफ्नो अभिनय करियर सुरु गरेपछि दिशाले एमएस धोनीः द अनटोल्ड स्टोरीबाट बलिउडमा डेब्यु गरेकी थिइन्।
नवाजुद्दीन सिद्दीकी – बुढाना
आफ्नो अभिनयका लागि प्रशंसा पाएका नवाजुद्दीन सिद्दिकीको जन्म मुजफ्फरपुर जिल्लाको एउटा सानो गाउँ बुढानामा भएको थियो । झारखण्डमा आफ्नो पढाइ पूरा गरेपछि नवाजले नेशनल स्कूल अफ ड्रामामा भर्ना भए। सन् १९९९ मा नवाज फिल्म सरफरोशमा सानो भूमिकामा देखा परेका थिए ।
लारा दत्त–गाजियाबाद
मिस युनिभर्स बनेपछि बलिउडमा प्रवेश गरेकी लारा दत्तको जन्म उत्तर प्रदेशको गाजियाबादमा भएको थियो । अभिनेत्री विगत २० वर्षदेखि उद्योगमा सक्रिय छिन् ।
राजपाल यादव– शाहजहांपुर
आफ्नो उत्कृष्ट कमिक टाइमिङले वर्षौंदेखि मानिसहरूलाई हँसाइरहेका राजपाल यादव पनि उत्तर प्रदेशको शाहजहाँपुरका हुन्। राजपाल सन् १९९९ मा बलिउडमा आएका थिए । सुरुमा साना भूमिका गरेपछि राजपाललाई ठूला अफर आउन थाले ।
