काठमाडौं, १० चैत । काठमाडौंको शंखमुलमा बुधबार दिनदाहाडै एक युवकमाथि खुकुरी प्रहार भयो । १० जना युवा समुहको खुकुरी प्रहारबाट टिकाथली बस्दै आएका सुरज खड्का घाइते भए । उनको ट्रमा सेन्टरमा उपचार भैरहेको प्रहरीले जनाएको छ ।
उनलाई खुकुरी प्रहार गर्नेहरु मध्ये ५ जना पक्राउ परेका छन् । पक्राउ पर्नेमा रोशन लामा, पुकार केसी, प्रवीण नेपाल, राजेश बुढाथोकी र सञ्जीव मोक्तान रहेका प्रहरीले जनाएको छ ।
उनीहरुबीच प्रेमिका खोसेको निहुँमा खड्कामाथि खुकुरी प्रहार भएको प्रहरीले प्रारम्भिक अनुमान गरेको छ । घटनाबारे थप अनुसन्धान भइरहेको प्रहरीले बताएको छ ।
