एजेन्सी, २१ बैशाख । बलिउड अभिनेता अक्षय कुमारले चलचित्र क्षेत्रमा ३० वर्ष पूरा गरेका छन् । यो विशेष दिन मनाउँदै फिल्म निर्माता यशराज फिल्म्सले सम्राट पृथ्वीराज चौहान अभिनित आफ्नो आगामी फिल्म पृथ्वीराजको नयाँ पोस्टर सेयर गरेको हो । यो विशेष भिडियो यशराज फिल्म्सले आफ्नो आधिकारिक ट्विटर ह्यान्डलमा सेयर गरेको छ ।
भिडियोमा देख्न सकिन्छ कि अभिनेताले एक व्यक्तिलाई वर्कशपमा लैजान्छन्, जहाँ अभिनेतालाई फिल्म पृथ्वीराजको विशेष पोस्टर देखाइएको छ। यस पोस्टरको विशेष कुरा के छ भने, यो पोस्टर अक्षयका हाल रिलिज भएका फिल्मका तस्विरको सहयोगमा तयार गरिएको हो ।
यस भिडियोमा अक्षय कुमार आफ्नो बलिउड डेब्यु फिल्म सौगन्दको सुटिङको पहिलो दिन सम्झँदै छन् । जसमा उनले सौगन्दको पहिलो शट उटीमा खिचिएको बताएकी छन्, जुन एक एक्सन दृश्य थियो । जसमा उनले बब क्रिस्टोसँग फिल्म गरेकी थिइन् । यो भिडियो सेयर गर्दै यशराजले लेखेका छन्, ‘अक्षय कुमारको इन्डस्ट्रीमा अविश्वसनीय ३० पूरा गरेको खुशीमा यो अविश्वसनीय भिडियो हेर्नुहोस्’
चन्द्रप्रकाश द्विवेदीले निर्देशन गरेको यो फिल्म निडर, पराक्रमी राजा पृथ्वीराज चौहानको जीवन र वीरतामा आधारित छ । फिल्ममा बलिउड अभिनेता अक्षय कुमार पृथ्वीराजको भूमिकामा देखिनेछन् । जसमा मानुषी छिल्लर संयोगिताको भूमिकामा छिन् ।
फिल्ममा अक्षय र मानुषी बाहेक सञ्जय दत्त, सोनू सूद, बबी देओल र मानव विज पनि महत्वपूर्ण भूमिकामा देखिनेछन् । फिल्मको घोषणा अक्षय कुमारले सन् २०१९ मा आफ्नो जन्मदिनमा गरेका थिए । यो ऐतिहासिक ड्रामा फिल्म जुन ३ मा हिन्दी, तमिल र तेलुगु लगायत विश्वभरका सिनेमाघरमा रिलिज हुँदैछ । योसँगै यो फिल्ममा धेरै विवाद पनि आएका छन् जसलाई लिएर जनताले निवेदन दिएर आपत्ति जनाएका छन् ।
