काठमाडौं, २४ जेठ । धनुषामा एक बालक मृत अवस्थामा फेला परेका छन् । एक हप्तादेखि हराइरहेका ६ वर्षीय बालक राँकी बरही मृत अवस्थामा भेटिएको प्रहरीले जनाएको छ ।
गत जेठ १७ गतेदखि हराएका बालकको शव जनकपुर उपमहानगरपालिका–२२ बसहियाको दुधमती नदी छेउमा भेटिएको हो ।
प्रहरीका अनुसार बालकको शव सडेको अवस्थामा फेला परेको छ । शवको पोस्टमार्टमका लागि काठमाडौं पठाउने तयारी गरिएको प्रहरीले जनाएको छ।
घुमन्ते समुदायका बालक पछिल्लो समयमा त्रिपाल टाँगेर जनकपुरमा बस्दै आएका थिए ।
