काठमाडौं, १० असार । नेपाली कांग्रेसका नेता शेखर कोइरालाले पेट्रोलियम पदार्थमा कर छुट गर्न आग्रह गरेका छन । नेता कोइरालाले पेट्रोलियम पदार्थमा प्रतिलिटर २६ रुपैयाँ ६२ पैसा कर छुट गर्न सरकारसँग आग्रह गरेका हुन् ।
सामाजिक संजालमार्फत कोइरालाले पेट्रोलियम पदार्थको मूल्यमा लाग्ने पुर्वाधार कर १०, सडक मर्मत कर ४ र भंसार र प्रज्ञापन शुल्क २५.२३ को आधा १२.६२ गरि जम्मा २६.६२ प्रति लिटर नलिने निर्णय गर्न सरकारसँग आग्रह गरेका हुन् ।
जनतालाई महंगीको चपेटाबाट बचाउन र आर्थिक गतिविधि गतिशिल बनाई राख्न अन्तर्राष्ट्रिय बजारमा मूल्य नघटदासम्म प्रतिलिटर २६. ६२ रुपैयाँ नलिने निर्णय गर्न सरकारलाई सुझाव दिए ।
उनले लेखेका छन्,‘जनतालाई महंगीको चपेटावाट बचाउन र आर्थिक गतिविधि गतिशिल बनाई राख्न सरकारले पेट्रोलियम पदार्थको मुल्यमा लाग्ने पुर्वाधार कर रु१०, सडक मर्मत कर रु४ र भंसार र प्रज्ञापन शुल्क रु२५.२३ को आधा रु१२.६२ गरि जम्मा रु २६.६२ प्रति लिटर अन्तराष्ट्रिय बजारमा मुल्य नघटदा सम्म नलिने निर्णय गरोस ।’ File Photo
