काठमाडौं, असार २२। नेकपा (माओवादी केन्द्र) ले अर्थमन्त्री जनार्दन शर्माका विषयमा उठेका विषयमाथि प्रमुख प्रतिपक्षी दल नेकपा (एमाले) सँग छलफल गर्ने निर्णय गरेको छ ।
अध्यक्ष प्रचण्ड निवास खुमलटारमा आज विहान बसेको माओवादी पूर्वस्थायी समिति बैठकले एमालेसँग छलफल गर्ने निर्णय गरेको हो ।
अर्थमन्त्री शर्माले बजेटमा करको दर बढाउन बाहिरी व्यक्ति संलग्न गराएको भन्दै विरोध हुँदै आएको छ । अर्थमन्त्री जनार्दन शर्माले आजै बजेटका बारेमा उठेका प्रश्नको प्रतिनिधिसभामा जवाफ दिने तयारी गरेका छन् ।
तर, नेकपा एमालेले भने अर्थमन्त्रीलाई संसदमा बोल्न नदिने तयारीमा छ । प्रधानमन्त्रीको जवाफ र संसदीय छानविन समिति बनाउन माग गरिरहेको छ ।
