काठमाडौं, २२ असार । नेकपा एमालेका अध्यक्ष केपी शर्मा ओली क्यारम खेलका सौखिन हुन् । उनी अझै पनि क्यारम खेल्न रुचाउँछन् । त्यसैले अल नेपाल क्यारम एशोशिएसनले नेपालमा पहिलो पटक राष्ट्रिय स्तरको क्यारम प्रतियोगिता आयोजना गर्द लाग्दा ओलीलाई प्रमुख अतिथिको निम्तो दिएको छ ।
क्यारम च्याम्पियनशीप टुर्नामेन्ट २०७९ प्रथम संस्करण साउनको १३ देखि १५ सम्म आयोजना गर्ने भएको हो । प्रतियोगिता टेबल टेनिस हल लैनचौरमा आयोजना हुने तय भएको छ ।
ओली क्यारम टुर्नामेन्टमा जाने या नजाने पछि मात्र खबर पुग्ने बुझिएको छ । यद्यपि, उनलाई निम्तो भने गएको छ । ओली क्यारम टुर्नामेन्ट हुने सुनेर भने खुशी भएको बुझिएको छ ।
