काठमाडौं, २५ असोज । नेपाल कम्युनिस्ट पार्टीको नवौँ महाधिवेशन आजदेखि कपिलवस्तुको शिवगढीमा सुरु भएको छ । महाधिवेशनको उद्घाटन नेकपाका महासचिव नेत्रविक्रम चन्द विप्लवले गरेका छन् ।
नवनिर्मित पार्टी केन्द्रीय कार्यालयमा महाधिवेशन उद्घाटन गरेका विप्लवले सांकेतिक विष्पोट र ड्रन उडाएर गरेका थिए ।
विप्लवलाई नवौं राष्ट्रिय महाधिवेशनको उद्घाटनमा राता ड्रेस लगाएका युवाले सलामी अर्पण गरेका थिए ।
महाधिवेशन उद्घाटन अगाडि शिवगढीका ठाउँ-ठाउँमा झाकी र र्याली निकालिएको थियो। महाधिवेशनमा देशभरका झण्डै ७ सय प्रतिनिधि पर्यवेक्षक सहभागी भएको जनपत्रकार संगठन नेपालका निर्वतमान केन्द्रीय अध्यक्ष प्रकाश डुम्रेले बताए ।
कार्यक्रम असोज ३१ गतेसम्म रहने समेत डुम्रेले बताए ।
