काठमाडौं, १० फागुन । नेकपा (एकीकृत समाजवादी) का केही नेताहरु ग्रेस सभापति शेरबहादुर देउवासँग भेटवार्ताको लागि देउवाको डेरामा पुगेका छन् । आज नेकपा (एस) को सचिवालय बैठक बसेको थियो । सो बैठकले राष्ट्रपतिको निर्वाचनबारे कांग्रेस, माओवादीलगायतका दलसँग छलफल गर्ने र निर्णयमा पुग्ने निश्कर्ष निकालेको थियो ।
सोहीअनुसार अहिले महासचिव डा. वेदुराम भुसाल, सचिवालय सदस्य घनश्याम भुसाल, प्रवेश हमाल देउवाको डेरामा पुगेका छन् । अहिले केहीबेरमा माधव नेपालपनि त्यहाँ पुग्ने कार्यक्रम रहेको जनाईएको छ ।
यसअघि जसपा अध्यक्ष उपेन्द्र यादवले देउवासँग भेटवार्ता गरेका थिए । प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहालले भने राष्ट्रपतिको निर्वाचनमा कांग्रेसलाई समर्थन गर्ने मन बनाएका छन् । उनले कांग्रेसभित्र पनि सभापति शेरबहादुर देउवा र पूर्व महामन्त्री कृष्णप्रसाद सिटौलाको नाम लिएको चर्चा छ । file photo
