काठमाडौं,३ वैशाख । कञ्चनपुरमा मलामी गएका एक किशोर महाकाली नदिमा डुबेर बेपत्ता भएका छन् ।
कञ्चनपुरको शुक्लाफाँटा नगरपालिका ५ का १८ वर्षीय दीपेन्द्र हमाल महाकालीमा बेपत्ता भएका हुन ।
उनि भिमदत्त नगरपालिका ११ भुजेलाघाटस्थित महाकाली नदिमा डुबेर बेपत्ता भएको प्रहरीले जनाएको छ ।
प्रहरीका अनुसार आज (आइतबार) दिउँसो करिब २ बजेतिर नदीमा नुहाउने क्रममा किशोर डुबेर बेपत्ता भएका थिए।
सशस्त्र प्रहरीको खोज तथा उद्धार टोलीका प्रमुख प्रहरी निरीक्षक बीरेन्द्र बम नेतृत्वको गोताखोर टोली खोजीमा जुटेको छ।
