काठमाडौं, साउन ९। नेपाली कांग्रेसको केन्द्रीय कार्यसमिति बैठक जारी रहेका बेला पूर्वमहामन्त्री तथा केन्द्रीय सदस्य शशांक कोइरालाले चियापान कार्यक्रम आयोजना गरेका छन् ।
कोइरालाले लैनचौर बैंक्युटमा आयोजना गरेको चियापन कार्यक्रममा पार्टी सभापति शेरबहादुर देउवा, महामन्त्री गगन थापा, नेताहरू प्रकाशमान सिंह, विमलेन्द्र निधि, विजयकुमार गच्छदार, परराष्ट्र मन्त्री एनपी साउद, मिनेन्द्र रिजाल, विनोद चौधरी लगायत नेताहरू सहभागी भएका छन्।
चियापान कार्यक्रममा केन्द्रीय सदस्य, प्रतिनिधि सभा र राष्ट्रिय सभाका सांसद, बागमती प्रदेश सांसद, काठमाडौंमा उपलब्ध जिल्ला सभापतिसहित कांग्रेस कार्यकर्ताको समेत उपस्थिति रहेको छ ।
कांग्रेस सभापति देउवाले भोली दिउँसो ४ बजे बस्नेगरी पार्टीको पदाधिकारी बैठक बोलाएका छन् । बैठकमा केन्द्रीय समिति बैठकको निर्णय बारे छलफल हुने बताइएको छ । त्यसअघि महामन्त्री द्वय गगन थापा र विश्वप्रकाश शर्माले सानेपामा कार्यालय तहमा छलफल गर्दै छन् ।
