काठमाडौं, १२ साउन । नेकपा (एमाले) का अध्यक्ष केपी शर्मा ओलीले पार्टी फुटेको नभएर पिलो गएको संज्ञा दिएका छन् । आज (शुक्रबार) काठमाडौंमा आयोजित जनवर्गीय संगठनको कार्यक्रमलाई सम्वोधन गर्दै उनले नेकपा (एकीकृत समाजवादी) पार्टीतर्फ लक्षित गर्र्दै पिलो निचोरिँदैमा एमालेको ओजन नघट्ने बताए ।
‘हाम्रो पार्टी फु्टार्यौं, फुटार्यौं भने । पिलो गएको हो । हाम्रा गायकले गायका छन् नि ‘पिलो निचोरिँदैमा ओजन घटेको हु्न्न ।’ नेकपा (एमाले) को ओजन घटेको छैन । पिलो निचोरिएको हो,’– उनले भने ।
उनले पार्टी निकट जनवर्गीय संगठनहरुलाई एकजुट भएर काम गर्नसमेत आग्रह गरेका छन् ।
