काठमाडौ, साउन १४। आज नेपाली बजारमा सुनचाँदीको मूल्य वृद्धि भएको छ । नेपाल सुनचाँदी व्यवसायी महासङ्घका अनुसार शुक्रबारको तुलनामा आज सुनको भाउ प्रतितोला तीन सय रुपैयाँले बढेको हो ।
शुक्रबार छापावाल सुन प्रतितोला १ लाख १२ हजार ६ सय रुपैयाँमा कारोबार भएको थियो । आज तीन सय रुपैयाँले बढेर तोलाको १ लाख १२ हजार ९ सय रुपैयाँमा कारोबार भईरहेको छ ।
त्यस्तै, आज तेजावी सुन प्रतितोला १ लाख १२ हजार ३५० रुपैयाँमा कारोबार भइएरहेको छ । शुक्रबार तेजावी सुनको मूल्य १ लाख १२ हजार ५० रुपैयाँ थियो ।
यता, चाँदी प्रतितोला ५ रुपैयाँले बढेर १ हजार ४५५ रुपैयाँमा कारोबार भईरहेको महासङ्घले जनाएको छ । शुक्रबार चाँदीको मूल्य १ हजार ४५० रुपैयाँ थियो ।
