काठमाडौँ, साउन १५ । कैलालीको गोदावरी नगरपालका वडा नम्बर ३ स्थीत चौकिडाँडामा ट्याक्टरको ठक्करबाट प्रहरी जवानको मृत्यु भएको छ।
आइतवार बेलुकी पूर्वपश्चिम राजमार्ग अन्तरगत गोदावरी नगरपालिका ३ स्थीत चौकीडाँडामा ट्याक्टरको ठक्करबाट नेपाल प्रहरी विशेष सुरक्षा गण महेन्द्रनगरमा कार्यरत प्रहरी जवान कपिल कठायतको मृत्यु भएको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरियाले जनाएको छ ।
प्रहरीका अनुसार उनको सेती प्रादेशिक अस्पतालमा उपचारका क्रममा आइतबार बेलुकी ७ बजेको समयमा मृत्यु भएको हो। उनले चलाएको सुपप्र ०१०११ प ७३२० नम्बरको मोटरसाइकललाई सुपप्र ०१ ००२ त ६४१९ नम्बरको ट्याक्टरले ठक्कर दिएको थियो। मोटरसाइकल पछाडि सवार अर्का जवान हेमराज ताउडाको अवस्था पनि गम्भीर रहेको छ।
उनको माया मेट्रो अस्पतालमा आईसीयुमा राखेर उपचार भइरहेको छ। ट्याक्टर ईलाका प्रहरी कार्यालय मालाखेतीको नियन्त्रणमा रहेको जनाईएको छ । ट्याक्टर चालकक फरार रहेकाले उनको खाजीकार्य भईरहेको प्रहरीले जनाएको छ ।
