काठमाडौं, भदौ ९ । मेलम्ची नदीमा आएको बाढीले गएराति सिन्धुपाल्चोकको हेलम्बुमा एक विद्यालय बगाएको छ। बाढीले हेलम्बु गाउँपालिका(४ ग्याल्थुममा रहेको सरस्वती माध्यमिक विद्यालयको भवन बगाएको हो।
बिहिबारदेखि नै बाढीले विद्यालय क्षेत्रमा कटान सुरु गरेको थियो। निरन्तर वर्षाका कारण विद्यालयको शौचालय शुक्रबारै बाढीले बगाएको थियो।
विद्यालयको एक भवन शुक्रबार रातिको बाढीले बगाएको र अर्को चार कोठे भवन पनि उच्च जोखिममा रहेको छ । विद्यालयसँगै रहेका अरु चार घर पनि बाढीको जोखिममा छन् ।
