काठमाडौं, ८ असोज । चर्चित गीत ’शिर सजाउने फूल’ बोलको गीतको फिमेल भर्सन सार्वजनिक भएको छ । उक्त चर्चित गीतको फिमेल भर्सनमा गायिका समिक्षा अधिकारीको आवाज रहेको छ । सगरमाथा डिजिटलले गायक शिव परियारको स्वरमा रहेको यस गीतलाई गायिका अधिकारीको स्वरमा सार्वजनिक गरेको हो ।
अनिल के मानन्धरको निर्देशनमा रहेको गीतको भिडिओमा गायिका अधिकारीलाई देख्न सकिन्छ। कर्ण चापागाईंको शब्द रचनामा रहेको गीतमा बसन्त सापकोटाले संगीत भरेका छन्। ए प्लस रेकर्डिङ स्टुडियोमा यस गीतको रेकर्ड सबिर केसीले गरेका हुन् भने सरोज केसीले गितार बजाएका छन्। बाँसुरीमा रत्न विके छन् । गायिका अधिकारीलाई वसन्त सापकोटाले नै पहिलो ब्रेक दिएका थिए ।
हेरौं गीतको भिडिओ :
