काठमाडौं,१८ असोज । नेपाली राष्ट्रिय क्रिकेट टिमका अलराउन्डर दीपेन्द्रसिंह ऐरी नेपाल प्रहरीको सहायक हवल्दारमा बढुवा भएका छन् ।
नेपाल प्रहरीले विशेष बढुवामार्फत ऐरीलाई सहायक हवल्दारमा बढुवा गरेको हो । यसअघि उनी प्रहरी जवान थिए । दीपेन्द्र नेपाल पुलिसको क्रिकेट टिमका कप्तानसमेत हुन् ।
ऐरीले नेपाल र मंगोलियाबीचको खेलमा विश्व कीर्तिमान कायम गर्दै शानदार अर्धशतक प्रहार गरेका थिए । उनले लगातार ६ छक्का प्रहार गर्दै ९ बलमा ५२ रन बनाएर विश्व कीर्तिमान बनाएका थिए ।
