विद्यालयमा बेहोस भएका शिक्षकको मृत्यु

काठमाडौं, असोज २१ । विद्यालयमा बेहोस भएका बैतडीका एक शिक्षकको मृत्यु भएको छ। जिल्लाको सुर्नया गाउँपालिका वडा नम्बर ५ को रौलेश्वर माविका शिक्षक प्रताप मडै तीन दिन अघि विद्यालयमै बेहोस भएका थिए।

उनलाई उपचारका लागि धनगढी ल्याईएको थियो । उपचारको क्रममा उनको धनगढीमा मृत्यु भएको हो। उनको घर बैतडीको मडगाँउ हो। उनको मृत्युमा आज विद्यालयले शोक बिदा दिएको छ।