काठमाडौं,३० कार्तिक । गायक तथा सर्जक प्रकाश दूतराजको नयाँ गीत ‘रिमै’ करोड क्लवमा प्रवेश गरेको छ । नेपालको कर्णाली र सूदुरपश्चिम प्रदेशमा फिरन्ते जीवन बिताईरहेको राउटे समूदायको जीवनशैलीलाई शब्दमा उनेर गीत सिर्जना गरेका दूतराजले नयाँ सिर्जना रिमै दशैको फूलपातीको अघिल्लो दिन सार्वजनिक गरेका थिए ।
सार्वजनिक भएको गीत करिव ३ सातामै करोड क्लबमा पुगेको हो । हालसम्म यो गीत १ करोड १६ लाख भन्दा धेरैले हेरिसकेका छन् । भने ६ हजार भन्दाधेरै प्रतिक्रिया प्राप्त भएको छ । त्यस्तै १ लाख ६६ हजार भन्दा धेरैले यूट्युबमा यो गीतलाई लाइक गरेका छन् ।
यस गीतमा गायक दुतराज र गायिका मेलिना राईको स्वर रहेको छ । भने भिडियोमा स्वयम दुतराज र केपिना गोतामेको अभिनय रहेको छ। राउटे समुदायको कथा संस्कृति, माया, प्रेम र जिवनको कथा म्यूजिक भिडिओमा देखाउन खोजिएको छ ।
गायक दुतराजकै शब्द र म्यूजिक रहेको गीतमा म्यूजिक एरेन्ज बीबी अनुरागी, मिक्सिङ श्यामस्वेत रसाइलीको रहेको छ ।
दुतराजको सबै भन्दा छोटो समयमा करोड क्लवमा प्रवेश गरेको यो पहिलो गित हो । यस अघि उनका चार वटा गित करोड क्लवमा प्रवेश गरिसकेका छन् । करोड क्लवमा प्रवेश गर्नेमा ‘घर कता हो बैनीको’, ‘जाम भो माइली’, बैनी ‘झ्यालैमा’ र ‘मन भुल्छ’ रहेका छन् ।
