काठमाडौं,२५ मंसिर । वीर अस्पतालको निर्देशकबाट हटाएर मन्त्रालयमा तान्ने स्वास्थ्य तथा जनसंख्या मन्त्री मोहनबहादुर बस्नेतको निर्णय बदर गर्न माग गर्दै डा.सन्तोष पौडेलले दायर गरेको रिट सर्वोच्चमा आज सुनुवाइ हुँदैछ ।
पौडेलले गत मंसिर १८ गते सर्वोच्चमा रिट हालेका थिए । पौडेल वीर अस्पतालको निवर्तमान निर्देशक हुन् । उनलाई मन्त्री बस्नेतले एमालेको कार्यकर्ता भन्दै निर्देशकबाट हटाएका थिए । उनलाई मन्त्रालयमा तानेर मन्त्री बस्नेतले डा श्रवनकुमार थापालाई निमित्त निर्देशकको जिम्मेवारी दिएका छन् ।
पौडेल तत्कालीन स्वास्थ्यमन्त्री पदम गिरीले २ वर्षे कार्यकालका लागि निर्देशकमा नियुक्त गरेका थिए । तर, उनी नेकपा एमालेमा सक्रिय रहेको भन्दै निर्वाचन आयोगमा उजुरी परेको थियो ।
