काठमाडौं, २३ फागुन । नेपाली कांग्रेसका सभापति शेरबहादुर देउवाले नागरिक उन्मुक्ति पार्टी (नाउपा) का अध्यक्ष रेशमलाल चौधरीलाई ‘चिया पिउन आउनुुस्’ भन्दै बोलाएका छन् ।
रिपोर्टर्स क्लब नेपालमा आयोजित पत्रकार सम्मेलनमा अध्यक्ष चौधरीले बेलुका ४ बजे चिया खान आउनुस् भनेर बोलाएको बताए । आफू अरु सबैको चिया खाएपछि देउवाको चिया चाहीँ किन नखाने भनरे बूढानीलकण्ठ जान लागेको बताए ।
साथै, अन्य पाँच/छ वटा दलहरु पनि उक्त चियापान कार्यक्रममा सहभागी हुने उनले खुलासा गरे । ‘४ बजे चिया खान बोलाउनु भएको छ । तपाईहरु पनि उतै लाग्नुस् । त्यहाँ ममात्रै हुने छैन । त्यहाँ धेरै दलका साथीहरु हुने छन् ।’ उनले भने, ‘कुरो यतिमात्रै हो ४ बजे चिया खान म बुढानीलकण्ठमा जाँदैछु । शेरबहादुरजीले चिया खान बोलाउनु भयो । उहाँको चिया चाहीँ किन नखाइदिने ?’
