काठमाडौं । नेपाली कांग्रेसको संसदीय दलको बैठक आह्वान भएको छ । पार्टी सभापति शेरबहादुर देउवाले आज दिउँसो ४ बजेका लागि बैठक बोलाएका हुन् । बैठक देउवा निवास बुढानिलकण्ठमा बस्नेछ ।
बैठकमा राष्ट्रियसभा अध्यक्ष उम्मेदवारबारे छलफल हुनेछ । यस्तै परिर्वतित राजनीतिक अवस्थाबारे पनि छलफल गरी संसदमा कसरी प्रस्तुत हुने भन्ने विषयमा बैठकमा छलफल हुनेछ ।
सत्ता समीककरण फेरिएपछि कांग्रेसले अध्यक्ष गुमाउने निश्चित रहेको छ । आफ्ना उम्मेदवार हार्ने देखेको कांग्रेसले आनन्द ढुंगानालाई अध्यक्षमा उठाउने तयारी गरेको छ । यसअघि कृष्णप्रसाद सिटौला अध्यष बन्न चाहन्थे तर, सत्ता गठबन्धन उलटफेर भएपछि सिटौला राष्ट्रिय सभामा पार्टीको संसदीय दलको नेता मनोनीत भएका छन् ।
