काठमाडौं, २५ चैत । नेपाली कांग्रेसका केन्द्रीय सदस्य एवं प्रतिनिधि सभा सदस्य डा. चन्द्र भण्डारीले आगमी पार्टी महाधिवेशनमा सभापतिको उम्मेदवार बन्ने उद्घोष गरेका छन् । आज (आइतबार) बुटवलमा सञ्चारकर्मीहरुसँग कुराकानी गर्दै उनले आगामी महाधिवेशनमा पार्टी सभापतिका लागि प्रतिस्पर्धा गर्ने बताएका हुन् ।
सधैं अरुलाई बोकेर मात्रै नहुने भएकाले आगामी महाधिवेशनमा आफैं सभापतिको उम्मेदवार बन्ने र ०८४ मा हुने आम निर्वाचनपछि संसदीय दलको नेतामा समेत प्रतिस्पर्धा गर्ने उनले बताए । File Photo/RN
