काठमाडौं, २७ चैत । नेपाली कांग्रेसका महामन्त्री गगनकुमार थापा र राष्ट्रिय सभा सदस्यसमेत रहेका पूर्वमहामन्त्री कृष्णप्रसाद सिटौला प्रधानमन्त्री पुष्पकमल दाहाल ‘प्रचण्ड’ भेट्न बालुवाटार पुगेका छन् । प्रधानमन्त्री प्रचण्डले कांग्रेस सभापतिसमेत रहेका पूर्व प्रधानमन्त्री शेरबहादुर देउवालाई छलफलका लागि बोलाएका थिए । देउवाले भने आफू नगएर गगन र सिटौलालाई पठाएका हुन् ।
प्रधानमन्त्री प्रचण्डले प्रतिनिधि सभा बैठक सञ्चालनका सन्दर्भमा छलफलका लागि देउवालाई बोलाएको बताइएको छ । कांग्रेसले सहकारी ठगी प्रकरणमा उपप्रधान एवं गृहमन्त्री रवि लामिछाने मुछिएको भन्दै संसदीय छानविन समितिको काग गर्दै आएको छ । कांग्रेसले आजको बैठक अवरोध गर्ने थाहा पाएका प्रधानमन्त्री प्रचण्डले बैठकअघि कांग्रेससँग छलफल थालेका हुन् ।
