काठमाडौं, २३ बैशाख । अशोक राईको नेतृत्वमा जनता समाजवादी पार्टी दर्ता भएको छ । जनता समाजवादी पार्टी, नेपाल फुटाएर राईको नेतृत्वमा जसपा दर्ता गरिएको हो । आज (आइत्बार) साँझ निर्वाचन आयोगमा दर्ता भएको पार्टीमा अध्यक्षमा अशोक राई छन् ।
यस्तै, संघीय परिषद् अध्यक्षमा राजेन्द्र प्रसाद श्रेष्ठको नाम छ । सहअध्यक्ष भने रेणु कुमारी यादव छिन् । कोषाध्यक्षको जिम्मेवारी डा. वीरेन्द्र प्रसाद महतोलाई दिईएको छ ।
चार जना उपाध्यक्षको नाममा भने नवल किशोर साह सुडी, रणध्वज लिम्बु, परशुराम बस्नेत, सुशिला श्रेष्ठ छन् । नव गठित पार्टीको महासचिवमा भने मो. इस्तियाक राई छन् । उपमहासचिवको जिम्मेवारी प्रदीप यादवलाई दिईएको छ । file photo
