काठमाडौं, ३० बैशाख । प्रधानमन्त्री पुष्पकमल दाहाल भोलि चितवन जाने भएका छन् । चितवनको नारायणी नदीमा बन्ने एडभान्स टेक्नोलोजीको (सिग्नेचर ब्रिज) पुलको उद्घाटन गर्न प्रधानमन्त्री दाहाल चितवन जान लागेका हुन् । उक्त पुल उद्घाटनको लागि प्रधानमन्त्री दाहालसँगै उपप्रधान एव्म भौतिक पूर्वाधारमन्त्री रघुवीर महासेठपनि जाने जनाईएको छ ।
भरतपुर महानगरकी प्रमुख रेनु दाहालले शिलान्यास कार्यक्रम नारायणी नदरु किनार सी बीच मोडल भरपतुरमा विहान ९ः३० बजे तय भएको जानकारी दिईन् । उनले फेशबुकमा लेखेकी छिन्–
नेपालको पहिलो नारायणी नदीमा बन्ने एडभान्स टेक्नोलोजीको (सिग्नेचर ब्रिज) पुलको नेपाल सरकारका सम्माननीय प्रधानमन्त्री पुष्पकमल दाहाल ‘प्रचण्ड’ज्युको प्रमुख आतिथ्यता एवं नेपाल सरकारका उपप्रधानमन्त्री एवम् भौतिक पूर्वाधार तथा यातायात मन्त्री मा.रघुबीर महासेठको विशिष्ट आतिथ्यतामा शिलान्यास कार्यक्रम हुने भएकाले सम्पुर्णलाई उपस्थितिको लागि हार्दिक निमन्त्रणा गर्दछौं । मिति: २०८१ वैशाख ३१ गते सोमबार, समय: बिहान ९:३० बजे – स्थान: नारायणी नदी किनार सी बीच मोडल,भरतपुर
