काठमाडौं, ३० वैशाख । जनता समाजवादी पार्टी (जसपा) नेपालका प्रचार प्रसार तथा प्रकाशन विभाग प्रमुख पूर्ण बस्नेतले आफूहरु महाधिवेशनमा केन्द्रीय भएको बताएका छन् । बस्नेतले आफूहरु महाधिवेशन सम्पन्न गर्न आवश्यक सबैखाले तयारीमा जुटेको बताए ।
‘विभिन्न पार्टी, मोर्चा, सङ्गठन, अभियान र आन्दोलनको एकीकृत रुप नै जसपा, नेपाल हो । एकताको प्रथम राष्ट्रिय महाधिवेशनले पार्टीलाई थप सुदृढ र सशक्त बनाउदै लैजाने छ,’– बस्नेतले भने ।
जसपाले तयार गरेको महाधिवेशन कार्यतालिकाअनुसार आइतबारदेखि जेठ १० गतेसम्म पार्टी समिति र सङ्गठनले महाधिवेशन प्रतिनिधि निर्वाचन गरिसक्नु पर्नेछ । जसपा नेपालले भोलि (सोमबार) केन्द्रीय समितिको बैठक बोलाएको छ ।
