काठमाडौं, जेठ १ । नेपाली कांग्रेस स्याङ्जाका पूर्वसभापति एवं पूर्वसांसद खगेन्द्रराज रेग्मीको निधन भएको छ।
उनको आज बिहान आफ्नै निवास स्याङ्जाको भीरकोट नगरपालिका गेझबासमा निधन भएको हो । राष्ट्रिय सभाका पूर्वसदस्यसमेत रहेका रेग्मीको शव अन्तिम श्रद्धाञ्जलिका लागि बिहान ११ बजे जिल्ला पार्टी कार्यालय स्याङ्जामा राखिदै छ।
लामो समय शिक्षण पेसामा रहेका उनी २०५८ माघ २७ गते तत्कालिन माओवादीको गोली लागेर घाइते भएका थिए। शिक्षण पेशासंगसंगै भूमिगतरुपमा संगठन बनाएका रेग्मीले २०४७ मंसिरमा शिक्षण पेशा छाडेर कांग्रेसको पूर्णकालिन राजनीतिमा होमिएका थिए ।
