काठमाडौं, असार २७ । नेपालका लागि मोटुल लुब्रिकेन्टको आधिकारिक वितरक आईएमई इलेक्ट्रिक प्रालि नेपालमा सो लुब्रिकेन्ट बिक्री–वितरण प्रारम्भ गरेको ६ महिनामै ‘मोटुल इन्डिया एलिट क्लब’मा समावेश भएको छ।
आईएमई ग्रुप नेपालको एक प्रतिष्ठित व्यावसायिक समूह हो। सो ग्रुप अटोमोबाइल, बैंकिङ, रेमिटेन्स, ट्रेडिङ, आइटी, कम्युनिकेसन, टेक्नोलोजी, इनर्जी, टुरिजम, हस्पिटालिटी, होटल, इन्स्योरेन्स, लजिस्टिक, रिटेल, इन्फोटेनमेन्ट लगायतका विभिन्न व्यवसायमा संलग्न रहेको छ।
कम्पनीले भनेको छ, ‘आईएमई इलेक्ट्रिक आईएमई ग्रुप अन्तर्गतको एक कम्पनी हो। यसले गत २०२३ डिसेम्बर देखि नेपालमा मोटुल लुब्रिकेन्टको बिक्री–वितरण प्रारम्भ गरेको थियो र छोटो समयमै उत्कृष्ट प्रदर्शनको लागि अन्तर्राष्ट्रिय स्तरको प्रशंसा प्राप्त गरेको छ।’
विश्वव्यापी रुपमा ‘सिन्थेटिक लुब्रिकेन्टको विशेषज्ञ’ को पहिचान कायम गरेको मोटुल फ्रेन्च कम्पनी हो, जसले पर्फमेन्स प्रोडक्टको उत्पादन र बजारीकरणका लागि विशेषज्ञता हासिल गरेको छ। विगत १५० वर्ष भन्दा लामो समय देखि मोटुल क्वालिटी, इनोभेसन र रेसिङका लागि पर्यायबाची बनेको छ। मोटुल कमर्सियल भेइकल, कार, मोटरसाइकल, थ्री ह्विलर, ट्रयाक्टर र इन्डष्ट्रियल सेक्टरका लागि हाई–पर्फमेन्स लुब्रिकेन्ट उपलब्ध गराउने कार्यमा विशेषज्ञ मानिने कम्पनीले जनाएको छ।
मोटुल इन्डियाले हालै चेक रिपब्लिकको प्रागमा एलिट क्लब कन्फ्रेन्स सम्पन्न ग¥यो, जहाँ भारत, नेपाल, बंगलादेश र श्रीलंकाका टप पर्फमेन्स गरेका डिस्ट्रिब्युटर सहित उत्सव मनाइएको थियो। नेपाली बजारमा उल्लेखनीय उपलब्धि हासिल गरे वापत मोटुल इन्डियाको सो प्रतिष्ठित एलिट क्लबमा आईएमई इलेक्ट्रिक समेत अन्य सहभागीका साथ संलग्न रह्यो ।
असाधारण रुपमा कार्यमा समर्पित भएर बिक्री बढाए वापत डिष्ट्रिब्युटर तथा डिलरलाई मान्यता प्रदान गर्न सो कन्फ्रेन्स आयोजना गरिएको थियो । सो मान्यताले आईएमई इलेक्ट्रिकले गरिरहेको द्रुत विकास र यसले नेपालमा लुब्रिकेन्ट उद्योगमा पार्ने प्रभावलाई जोड दिन्छ। आईएमई मोटर्स तथा आईएमई इलेक्ट्रिकका सीईओ हेमन्त पुराणिकले भने, ‘म मोटुल इन्डियाको प्रतिष्ठित एलिट क्लबमा समावेश हुन पाएकोमा वास्तविक रुपमा सम्मानित र खुसीको अनुभव गरेको छु। यो मान्यता हाम्रो सम्पूर्ण टिमले गरेको कठिन कार्य, समर्पण र असाधारण प्रदर्शनको परिणाम हो।’
यसलाई एक महत्वपूर्ण उपलब्धि भन्दै उनले यो सम्मानले उद्योगमा गरिएको उत्कृष्टता र नवीनताप्रतिको प्रतिबद्धतालाई अझै सुदृढ बनाउने बताए। आईएमई इलेक्ट्रिकले नेपाली लुब्रिकेन्ट बजारमा मार्केट लिडर बन्ने क्रमलाई तीव्रता दिइरहेको छ। मोटुल इन्डियाका सीईओ नागेन्द्र पाईले महत्वपूर्ण उपलब्धिबापत एलिट क्लबमा समावेश हुन सफल भएकोमा सम्पूर्ण आईएमई इलेक्ट्रिक टिमलाई बधाइ दिए।
‘माथिल्लो तहको असाधारण नेतृत्व र आईएमई टिमको अटल प्रतिबद्धताले यो महत्वपूर्ण वृद्धि, नवीनता र उत्कृष्टता ल्याएको हो’, उनले भने, ‘आईएमई जस्तो महत्वपूर्ण साझेदार पाएकोमा हामी गौरवान्वित छौँ र यस्तै सफलता तथा सहकार्य लामो समय चल्ने अपेक्षा गर्दछौँ।’
