झापा । हिंसाग्रस्त बङ्गलादेशबाट पूर्वी नाका काँकरभिट्टा हुँदै स्वदेश फर्किने नेपाली विद्यार्थीको सङ्ख्या एक हजार नाघेको छ ।
मङ्गलवार बङ्गलादेशबाट २७ जना विद्यार्थी स्वदेश फर्किएका थिए । योसँगै काँकरभिट्टा नाका हुँदै १०४५ जना विद्यार्थी बङ्गलादेशबाट फर्किएको अध्यागमन कार्यालय काँकरभिट्टाले जनाएको छ । फर्किनेमा ६१३ छात्र र ४३२ जना छात्रा रहेका छन् ।
बङ्गलादेशमा केही दिनयता आरक्षण कोटाविरुद्धको आन्दोलन चर्किएपछि नेपाली विद्यार्थी स्वदेश फर्किने क्रम जारी छ ।
