काठमाडौं, १९ भदौ । नेकपा (एमाले) ले आफ्नो पार्टीको केन्द्रीय मुख्यालय भवन निर्माणको काम थाल्ने तयारी गरेको छ । पार्टीको हिजो बसेको पोलिटब्यूरो बैठकमा यसबारेमा निर्णय भएको हो । बैठकका निर्णय सार्वजनिक गर्ने क्रममा प्रचार विभाग प्रमुख राजेन्द्र गौतमले केन्द्रीय कार्यालयको भवन निर्माणको काम तत्काल थालिने जानकारी दिएका हुन् ।
उनले भने,‘केन्द्रीय कार्यालय भवन निर्माण गर्ने कुरामा हामीले प्रत्येक पार्टी सदस्यबाट लेबी उठाउँदा एक सय रुपैयाँ थप गरेर संगठित सदस्यबाट उठाएका छौं । अब पार्टी केन्द्रीय कार्यालय भवन निर्माणको लागि स्रोत परिचालन समिति गठन गरेर अघि बढ्ने निर्णय भएको छ ।’
यसअघि संसद् बैठकमा आम जनता पार्टीका अध्यक्ष प्रभु साहले आफ्नो पार्टी कार्यालय बनाउन नसक्ने प्रधानमन्त्री केपी शर्मा ओलीले के को देश बनाउने ? भनेर टिप्पणी गरेका थिए ।
एमालेको पार्टी कार्यालय बनाउन नसक्ने ओलीले देश बनाउँछु भन्दा कसले पत्याउँछ ? : प्रभु साह
