काठमाडौँ, ३ जेठ । चन्द्रागिरि नगरपालिका प्रमुखको मतगणनामा हालसम्म नेपाली काँग्रेसका घनश्याम गिरीले चार हजार ८५२ मत प्राप्त गरी अग्रता कायम गर्नुभएको छ ।
उहाँका निकटतम प्रतिद्वन्द्वी नेकपा ९एमाले० का प्रल्हाद कार्कीले दुई हजार ३७८ मत प्राप्त गर्नुभएको छ । हालसम्म उपप्रमुखमा काँग्रेसका इन्द्रावती श्रेष्ठले तीन हजार ७१८, एमालेका लीसा नकर्मीले दुई हजार ९२२ मत प्राप्त गर्नुभएको निर्वाचन अधिकृत गणेश नायकले जानकारी दिनुभयो ।
कुल ३८ हजार ८७२ मतदाता रहेको सो नगरपालिकामा ३१ हजार ९२० मत खसेको थियो । नगरपालिकामा १५ वडा रहेकामा अहिले ४ र ५ वडाको मतगणना सम्पन्न भइसकेको छ ।
यसैबीच, वडा नं ४ मा काँगे्रसको समूह विजयी भएको छ । विजयी वडाध्यक्षमा कृष्णप्रसाद खड्गी तथा सदस्यमा कृष्णकुमारी गोपाली, रविना रोक्का, पृथ्वीबहादुर लामा र मन्जयप्रकाश श्रेष्ठ हुनुहुन्छ ।
वडा नं ५ मा एमालेको समूह विजयी भएको छ । विजयी वडाध्यक्षमा कान्छाभाइ महर्जन, तथा सदस्यमा तुलसी महर्जन, झम्फे नेपाली, सुशीला राना मगर र तेजिला थापा हुनुहुन्छ । रासस
