काठमाडौं, २१ साउन । नेपाली चेलीहरुको महानचाड हरितालि तिजको अवसमा गायिका डिला बि.कले यो वर्षको तिज कोसेली बजारमा पठाएकी छिन् ।
‘फरिया उडायो फरर’ बोलको गीत बजारमा पठाएकी डिलालाई स्वरमा चर्चीत गायक खेम सेन्चुरीले साथ दिएका छन् । नेत्र अर्यालका शब्दलाई खेम सेन्चुरीले निक्कै मिठो लयमा ढालेका छन् । शब्दले भन्ने खोजेको भाव अनुसारको दृश्य देखाउने प्रयास भएको छ ।
सस्कृति म्यूजिक प्रा.लिको प्रस्तुति रहेको उक्त गीतमा चर्चीत गायक रामजी खाँड र अनिता बुढाथोकीको अभिनय रहेको छ। प्रकाश भट्टले निर्देशन गरेको गीतको छायाङ्कन करन चैसिरले गरेका छन् । विष्णु शर्माले सम्पादनमा भूमिका खेलेका छन् ।
