पर्सा । आफ्नै पत्नीमाथि पतिले छुरा प्रहार गरेका छन् । २१ वर्षीया मनु कुमारी चौधरीलाई छुरा प्रहार गरेको अभियोगमा वीरगंज महानगरपालिका-१० घडीअर्वा बस्ने २३ वर्षीय रोशन कुमार गुप्ता पक्राउ परेका छन् ।
उनलाई १४ साउनमा प्रहरीले छुरा प्रहार लगत्तै पक्राउ गरेको हो । तत्काल पक्राउ गरेकाले पत्नीको ज्यान जोगिएको छ । रोशनले पत्नी मनुकमाुरी चौधरीलाई भिस्वाडाँडा पार्कमा घुमाउन लगेको अवस्थामा झाडीभित्र लगि छुरा प्रहार गरी घाइते बनाएका थिए ।
प्रहरी चौकी भिस्वाडाँडाबाट खटिएको प्रहरीले उनलाई पक्राउ गरेको हो । घाइते मनु कुमारीको उपचारको लागि नारायणी अस्पताल वीरगंजमा उपचार भइरहेको जनाइएको छ ।
