काठमाडौं । चोरी गर्दै सामान संकलन गर्ने व्यक्ति पक्राउ परेका छन् । प्रहरीले लुकाई राखेको विभिन्न चोरीका सामान सहित काठमाडौं महानगरपालिका-२६ कपुरधारा डेरा गरी बस्ने पर्सा घर भएका ४६ वर्षीय मुन्ना प्रसाद श्रीवास्तवलाई १५ साउनमा पक्राउ गरेको हो ।
श्रीवास्तवको डेरा कोठामा चोरीका सामानहरु लुकाई राखेको भन्ने सुचना प्राप्त हुनासाथ महानगरीय प्रहरी वृत्त लैनचौरबाट खटिएको प्रहरीले कोठा खानतलासी गर्दा विभिन्न कम्पनिका मोबाइल ३१ थान, क्यामरा १ थान, विभिन्न कम्पनिको टिभि १० थान, ल्यापटप २ थान, हथौडा २ थान र छिनो १ थान फेला पारेको प्रहरीले जनाएको छ । यसबारे अनुसन्धान भइरहेको प्रहरीले जानकारी दियो ।
