संसारकै पुरानो दम्पति अमेरिकाको अस्टीनमा छन् । उनीहरु विश्वकै पुरानो दम्पत्ति रहेका हुन् । उनीहरुले यस वर्ष आफ्नो ८० औँ वर्षगाँठ मनाएका छन् । दम्पत्तिहरुको नाम जोन र चारलोट हो । यो दम्पत्ति सुखद दाम्पत्य जीवनमा रहे । उनीहरुले सन् १९३९ मा विवाह गरेका थिए । दुवैको भेट टेक्सास विश्वविद्यालयमा भएको थियो ।
विश्वकै लामो समयसम्म दाम्पत्य जीवन बिताएका जोडीका रुपमा उनीहरुले गिनिज बुक अफ द वल्र्ड रेकर्डमा पनि नाम लेखाएका छन् । उनीहरु दुवै एक सय वर्षमाथि छन् । दुवैको उमेर जोड्दा २११ वर्ष हुन्छ । जोन विगतमा टेक्सासका फुटबल खेलाडी थिए ।
जोन अझै राम्रोसँग हिंडडुल गर्न सक्छन् । चार्लटलाई भने हिंडडुलमा समस्या छ । जोनले पत्नीलाई ह्वीलचेयरमा डुलाउँछन् ।
