धेरै युवतीको लामो कपाल बनाउने इच्छा र सपना हुन्छ । कपाल लामो हुनेलाई सुन्दर मानिन्छ । विभिन्न कारणले सबैका कपाल लामो हुँदैन । चाहेर पनि इच्छा पुरा हुँदैन । जसको लामो कपाल हुन्छ उसलाई प्रकृतिले उपहार दिएको ठानिन्छ ।
यस्तै लामो कपाल भएकी युवती छिन् । उनले लामो कपाल भएकोले विश्वकिर्तिमान राखेकी छन् । युवतीको कपाल पाँच फिट लामो छ । उनले लामो कपालमा गिनिजबुकमा नाम लेखाउन सफल भइन् । युवतीको नाम एब्रिल लारेनजटी हो, उनी अस्ट्रेलियामा बस्छिन् । एब्रिल १७ वर्षकी भइन् ।
११ वर्ष देखि विश्व रेकर्ड राख्नको लागी एब्रिलले आफ्नो कपाल लामो बनाउन स्याहार सुुसार गर्दै आएकी थिइन् । अहिले उनको कपाल ४ फिट ११ इंच लामो छ ।
लामो कपाल बनाउनको लागी नियमित स्याम्पु प्रयोग गर्ने गरेको उनले बताएकी छिन् । यति लामो कपालको हेरचाहपनि त्यति नै मिहेनत गनुृपर्ने बताइन् । उनले भरयाङमा हिड्दा आफ्नो कपाल बाँधेर हिड्ने गर्छिन् । कपाल छोड्दा फोहोर लाग्ने र कपाल झर्ने हुनाले यसरी धेरै पटक बचाएकी थिइन् ।
