एउटा सिंह देख्दा त मानिसहरको भागाभाग हुन्छ भने १२ सिंह देख्दा त झन के होला कल्पना गर्न नै कठिन हुन्छ । एक जना गर्भवती महिलाले १२ सिंहको अगाडि नै बच्चालाई जन्म दिएकी छिन् ।
यो घटना भारतको हो । एक गर्भवती महिलालाई सुत्केरी व्यथा लागेपछि आपतकालीन एम्बुलेन्स बोलाइएको थियो । गर्भवती महिलालाई एम्बुलेन्समा राखेर घरबाट अस्पताल जाँदै थिए । घरबाट तीन किलोमिटर टाढा आएपछि बाटोमा सिंहको एउटा समुह नै भेटियो । करिव १२ सिंहले एम्बुलेन्स घेरेका थिए ।
एम्बुलेन्स रोकेर सिंहको समुहलाई हटाउन कोशिस गर्दा पनि हटाउन सकेनन् । ती महिलालाई व्यथाले च्यापेपछि एम्बुलेन्सको ड्राइभरले भित्र नै सुत्केरी गराउन फैसला तुरुन्त गरे र २५ मिनेटमा महिलाले एम्बुलेन्समा नै बच्चा जन्माइन् । ती सिंहहरु भागेपछि त्यो नवजात शिशु र आमालाई अस्पतालमा भर्ना गर्न लगिएको थियो ।
