युवतीहरुको अग्लो हाइटले सधै अरुलाई आफुतिर आकर्षित गर्नसक्छन् । रुसकी २९ वर्षिया एथलीट कैटरीना लिसीनाको लामो हाइटको कारण विश्वकितिमान राख्न सफल भएकी छिन् । उनी बलिउडको अभिनेता र अभिनेत्रीहरु भन्दा निकै अग्ली छिन् ।
लिसीनाको उचाई ६ फिट ९ इन्च रहेको छ । उनी सबैभन्दा लामो उचाई भएकी महिला घोषित भएकी छिन् । उनले ५२.४ इन्च लामो आफ्नो खुट्टा भएको दाबी पनि गरेकी छिन् । उनले विश्व कै अग्ली मोडेलमा नाम पनि राख्न चाहेको बताएकी छिन् ।
आफ्नो लामो खुट्टाले मोडलिङमा निकै सहयोग गर्ने पनि बताएकी छिन् । १६ वर्षदेखि बास्केट बल खेलेकी उनी हाल मोेडलिङतिर पनि स्थापित हुन खोजीरहेकी छिन् ।
२००८ मा भएको ओलम्पिकमा लिसीना महिला टिमको प्रतिनिधित्व गरेर मेडलपनि जितेकी थिइन् । उनका साथीहरु उनीसँग उनी भन्दा काँधसम्म पनि आउँदैनन् । उनको पिताको उचाई ६ फुट ५ इन्च र आमाको ६ फुट १ इन्च उचाई रहेको छ । उनको उचाई जन्मदा नै सामान्य भन्दा बढी रहेको पिताले बताएका थिए ।
