काठमाडौं, २ माघ । दुबईमा भएको बस दुर्घटनामा छ जनाको मृत्यु भएको छ । आज विहान अल राह रोडमा भएको घटनामा चालकदलका सदस्यसहित २४ जना चढेको बस ट्रकसँग ठोक्किदा दुर्घटनामा परेको थियो ।
ट्रक रोकिएको र तिव्र गतिमा आएको बसले पछाडिबाट ठक्कर दिएको थियो । दुर्घटनाको भिडियो दृश्य हेर्दा बस चालकको लापरबाही देखिन्छ ।
नेपालका लागि संयुक्त अरब इमिरेट्सका राजदूत कृष्णप्रसाद ढकालले बसमा १८ जना नेपाली यात्रा गरिरहेको जानकारी दिएका छन् । २४ यात्रीमध्ये १८ नेपाली यात्री रहरेकाले मर्नेहरुमा नेपाली पनि रहेको बुझिएको छ । पाँच जनाको घटनास्थलमै र एकजनाको उपचारका क्रममा मृत्यु भएको बुझिएको छ ।
राजदूत ढकालले घटनामा ज्यान गुमाउनेहरु कुन कुन देशका नागरिक हुन् भन्नेबारे अझै जानकारी नआइसकेको बताए । स्थानीय समय अनुसार विहान साँढे पाँच बजे घटना भएको थियो ।
भिडियोका लागि यहाँ क्लिक गर्नुहोस्
