मानिसहरु यति सम्म स्वार्थी छन् कि यो सँसारमा म मात्र बाँच्नुपर्छ भन्नेहरु धेरै छन् । जसको कारण समाजमा जघन्य अपराध बढिरहेका छन् । धेरै देवी देवताको पूजाका नाममा आज पनि बली दिने परम्परा छ । केही रुढिवादी सोच भएका मानिसहरुले बलि दिँदा देवताहरु प्रसन्न हुने भ्रम फैलाएको कारण आज पनि हजारौ निर्दोष पशुहरुले त्यसको पीडा भोग्नु परेको छ । पशुलाई बली दिएको त सुनेकै कुरा हो तर छोराले बलिको नाममा आफ्नै आमालाई चढाएको कुरा आज हामी गर्छौ ।
भारतको महाराष्ट्रमा नासिक जिल्लामा एउटा घटना भएको छ जहाँ छोराले आफ्नै आमालाई अन्धविश्वासको कारण हत्या गरेका छन् । भारतीय समाचारको अनुसार दुई छोराहरुले भाग्य उज्वल हुने भन्दै आफ्नी आमाको बली चढाएका हुन् । अन्धविश्वासले कति सम्म गरायो, जसमा छोराहरुलाई दुःखले पालन पोषण गरेर हुर्काएकी उनै आमालाई भाग्य खुल्ने भन्दै बली चढाए ।
नाशिक जिल्लामा बस्ने काशीनाथ र गोविन्द भइरहेको परिस्थितिमा खुशी थिएनन् । प्रहरीले आमाको हत्या गरेको आरोपमा २ छोरासहित १० जनालाई पक्राउ गरेको छ । २ छोराहरुलाई एक तान्त्रिकले आमा र बहिनीको बलि दिनाले भाग्य खुल्ने बताएपछि आमाको हत्या गर्ने योजना बनाएका थिए ।
प्रहरीको अनुसार २ भाईले तान्त्रिकले दिएको सल्लाह अनुसार वृद्धा आमा र बहिनीलाई लगेर पुगेका थिए । तान्त्रिक महिलाले बृद्धलाई पिटि पिटी मार्न थालेपछि बहिनी राही भागेर बचेकी थिइन् । तान्त्रिक महिलाले बृद्धको आँखा निकालि दिएकी थिइन् । एक स्थानमा गाडी दिइन् ।
यो घटना अलि अगाडी भएपनि सामाजिक कार्यकर्ताहरुले पछि थाहा पाएर प्रहरीलाई जानकारी दिएका थिए । हाल तान्त्रिक महिलालाई प्रहरीले गिरफ्तार गरेको छ र उनले अर्को पनि एक महिलाको हत्या गरेको स्वीकार गरेकी छिन् । एजेन्सी
