काठमाडौं, ३१ चैत्र। जनता समाजवादी पार्टीका नेता लक्ष्मणलाल कर्णले प्रधानमन्त्री केपी शर्मा ओलीसँग सत्ता समिकरणबारे बृहत छलफल भइरहेको खुलासा गरेका छन् । उनले केही दिनमै सत्ता समिकरणबारे ठोस निर्णयमा पुगिने समेत बताए ।
सरकारसँग सकारात्मक वार्ता भइरहेकाले अबको केही दिनमा सत्ता समिकरणको निष्कर्षमा पुग्ने उनको भनाई थियो । नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता कर्णले सरकार र जसपाबीच सहकार्य गर्नेबारे बिस्तृतरुपमा वार्ता भइरहेको उल्लेख गर्दै ओलीलाई नै सर्मथन गर्ने संकेत गरे ।
काँग्रेस सभापति शेरबहादुर देउवा प्रधानमन्त्री बन्न नभएर चुनावको पक्षमा लागेको नेता कर्णको आरोप छ । देउवाले प्रतिनिधिसभा विघटनका बेला पनि चुनावकै पक्षमा आन्दोलन गरेको बताउदैं अहिले पनि प्रधानमन्त्री बन्ने दाउमा नरहेको दावी गरे ।
